الفجر شق شق
من ساعه ما وعيت على الدنيا وانا بفكر فى السعادة ...ايه هى السعادة وازى احس بيها. وليه انا دايما مش سعيد دايما قلقان ديما متوتر مش فاهم ليه حتى الشعور بالفرح لاى سبب دايما مؤقت ما يدمش غير ساعات او اياموارجع تانى زى ماكنت قلقان متوتر بدون سبب حتى لو مفيش حاجه تستاهل الكلام دة يمكن انا شخص كئيب بطبعى مش عارف بس انا اى حد ممكن يقولى كلمه ممكن ما يقصدهاش او احس ان فيها ريحه مش حلوة ممكن توترنى وتحرقلى نص لتر دم .هل هو دة الصح او الواحد لازم فى الزمن دة يكون جلدة جلد تمساح
والله كتير بفكر ليه انا كيدة ليه ما اكبرش الجيم واريح الدال يعنى اكبر الجمجمه واريح الدماغ. والله حاولت ومش بقدر ودة بيسبب لى مشاكل كتير مع نفسى بس اعمل ايه ربنا خلقنى كدة خلقتى كدة المهم مش حطول عليكم. حكمل موضوع السعادة اللى انا دايما محتار معاها من فتره بعيدة اووى يعنى كانت السعادة بالنسبه ليا ممكن تكون فى النجاح فى الدراسه والشهادة مثلا شراء اشياء جديدة مثلا هدوم عربيه او شقه الجواز او الجواز نفسه او الارتباط بالبنت اللى بتحبها وبعدين جوازك منها وبعدين اول مولود وفرحتك وسعاتك بيه وخصوصا اول مولود انا حسيت بفرحه عمرى ما حسيتها قبل كدة. حاجات زى كدة منكرش ان الحاجات دى مهمه بس عمرها مادتنى احاسس مستمر بالسعادة كلها سعادة مؤقته بعد فترة بتفقد بريقها ومع دوامه الحياة اللى احنا فيها علشان نعيش افضل ونوفر حياة افضل لينا ولعيالنا دايما مش مبسوط اقصد شعور مستمر بالارتياح والطمئنينه . لحد رمضان اللى فات وبصراحه كان عمر ابنى عمره ساعتها 6 شهور ومراتى وابنى نزلوا مصر شويه وكانت صحه عمر مش مطمئنه يعنى انا وامه لسه مفيش خبرة المهم راحت مراتى بيه لداكترة كتير وكله يقول مفيش حاجه محتاج تغزيه شويه وبعد ما رجعت مراتى فوجئت بيها بتقلى ان عمر عندة مشكله فى الدم انميا ونقلتله دم مرتين فى مصر وعملت له تحاليل كتير والدكترة مش عارفين ايه السبب . مش عارف اوصف لكم ساعتها احساسى كان ايه بس على طول ظبط ميعاد عند دكتور اطفال ممتاز هنا ورحنا عندة بالتحاليل واول لما شفها قال التحاليل دى مش مظبوطه اوى بس من حاله الولد انه عندة انميا وراثيه بتحصل صدفه لو الام والاب حاملين لصفه وراثيه معينه ودا ممكن يحتاج لنقل دم كل 3 اسابيع مدى الحياة ولازم ياخد ابرة كل يوم لمدة 10 ساعات لخفض نسبه الحديد بالدم والحل الوحيد هو عمل زرع نخاع للعظام ودة لازم يكون من اخ اواخت له متماثلين فى الالياف العظميه ونادرا ما يحدث هزا الا فى التوائم وعلى العموم حنحاول نعمل اللى علينا ونشوف بعد كدة . المهم طلب مننا تحاليل كتير صورة دم كامله و تحليل كهربى للهموجلوبين وكانت التحاليل لازم تاخد 3 اسابيع مش عارف اوصف ايه اللى حصلى ساعتها لحد دلوقتى مش قادر الاقيله وصف وبما انى من اللى بيعودو على النت فضلت ابحث عن حالات الانميا وملاتش جديد كل الكلام يؤكد كلام الدكتور ساعتها اتمنيت انى اموت والله ولا اكونش السبب فى لحظه الم واحدة لابنى اللى انتظرته كتير وعمرى ما تخيلت انى اكون السبب انا وامه فى اللى هو فيهوفكرت فى حالتى وانى ربنا ادانى حاجات كتير مكنتش حاسس بيها وبعد مدة من الاكتئاب والمعانه ملقتش غير ابو باب واسع باب الرحمه و المغفرة مفتوح ادامى بعد ماكنت غير مواظب على الصلاة مبقتش اسيب فرض وربنا كرمنى ان احنا كنا فرمضان كنت حريص جدا على الصلاة العشاء والتراويح بالمسجد مع بعد المسافه بين المسجد والبيت وكزلك ضيق الوقت كنت ساعات بروح اللى الصلاة حتى لو لم اكل تماما يوم بعد يوم من الصلاة والدعاء والبكاء لله والاستمرار فى صلاة و التهجد بالبيت انا ومراتى بدات مراتى تقلى كلام غريب (انا ابنى مفهوش حاجه وحتشوف انا حسه ان ربنا حيوقف معانا) وكانت على اقتناع تام باللى بتقوله وانا ابصلها باستغراب لان التحاليل ظهرت وتاكد ان عمر عندة مشكله كبيرة ولكن بالصلاة والتقرب الى الله يوم بعد يوم وفى الظروف دى وجت نفسى فى حاله عمرى ما حسيت بيها لاقيت نفسى مبسوط دايما برغم ما كنت انتظرة من ماساة انا وزوجتى وبدانا نكيف حياتنا على الوضع الجديد وازاى حنحاول نكون اد الاختبار الربانى دة وحسينا ان احنا لاقينا اللى بندور عليه ان كل الواحد ما حس انه قريب من ربنا وكان راضى عن نفسه هى دى السعادة كل ما بص فى المرايه الصبح واحب نفسى ما لومهاش على اى تقصير منها وخصوصا فى واجبات ربنا و استمر الوضع دة مدة وكل شهرين كنا بنعمل تحاليل لعمر والدكتور يقول فى تحسن لحد اخر مرة كانت من مدة 4 اشهر وقال ان عمر بقى طفل طبيعى وانه حيعيش حياة طبيعيه زى اى طفل ودة حصل بمعجزة هو مش عارف دة حصل ازى والحمد لله عملنا التحاليل اكتر من مرة ليتاكد من الكلام دة وغمرتنا الفرحه انا ومراتى والعيله الكريمه جدة وجدته لانهم كانوا دايما بيدعوله والكل ومن ساعتها عرف معنى السعادة وقيمه الصحه والحاجات الكتير اللى ربنا مدهالنا واحنا من كتر مطالب الحياة وتكالبنا عليها خلتنا ننساها ولانى انسان دايما بنسى بدات ااقطع فى الصلاة تانى و قرايه القران كانى كنت بعمل كدة بسبب اللى كنت فيه ولان باب ربنا دايما مفتوح وعمرة ما بيرد حد وخصوصا لو رايحله بقلب اكيد حيغفرله ورمضان دة انا مصر على الالتزام اووى اووى لانى عارف ان ربنا دايما بيغفرو بيفرح بعودة وتوبه العبد واكيد بعد كدة حغلط تانى وحرجع لانى انسان ومش معصوم بس عرفت من التجربه دى يعنى ايه السعادة وحسيت ان هى عبارة عن الرضا عن النفس او ان الواحد يبقى راضى عن نفسه يعنى كل ما تبص جواك لازم تكون راضى حاسس بسلام وصدقونى مفيش اجمل من الاحساس دة الى دلوقتى عرفته وساعات كتير بيروح منى لاكن بعرف ارجعه لما اقعد مع نفسى واعرف الغلط فين و اطلب الصفح من الله
9/29/2006 01:34:00 PM
اولا حمدالله على سلامة عمر
دى اول زيارة ليّا هنا... و فعلا
البوست حلو قوى...
خذ رمضان فرصة عشان تاخد عالالتزام
و على موضوع السعاده
i believe that its just a state of mind.. a temporary one.. and a very short one too
y3nee u feel happy masalan the day u marry... does it last? No..
or maybe it lasts but not with the same intense
when u fall in love... when u buy sth beautiful.. even when u eat a good meal
noone has continuous happiness... so don't bother and think abt it so much
(ps: sorry i wrote in english fil a7'er.. writing arabic on the pc is killin me !!) top
9/30/2006 04:23:00 AM
الله
مفيش حاجة تتقال بعد كده ربنا يخليلك عمر.. ويفكرك دايما بكرم الله
غير ان اسلوبك في الكلام رائع وطريقه حكيك دخلتني في الحكاية وحسستني بالمسئوليه عنة لقيتني بافكر وانا في رمضان باعمل اية علشان ربنا يرضي عني ويكرمني زي ماكرمك
رمضان كريم
بوسلي عمر top
9/30/2006 07:34:00 AM
ربنا يخليلكم عمر وان شاء الله يحميه من أي سوء .
البوست مؤثر جدا . top
10/01/2006 12:25:00 AM
الإنسان طول عمره بيمر بإختبارات كتيرة وكلها من عند ربنا لأنها إختبارات للصبر وقوة الإيمان
و بشر الصابرين
السعادة مسألة نسبية وياما ناس بتفتكر غنها في حاجات كبيرة و أكتيرة لكن السعادة بتيجي من حاجة واحدة بس الرضا بكل ما ياتي به الله
الرضا ده هو اللي بقى عملة نادرة... معظم الناس بقت مش راضية و بالتالي بقت مش سعيدة
حمدلله على سلامة عمر و ربنا يحفظه top
10/02/2006 12:20:00 AM
batabeet
ربنا يخليك ويكرمك انا دايما بدعى ربنا وباخد بلاسباب يارب يكرمنا ونواظب بعد رمضان
saso
ربنا يخليكى ويكرمك بالزريه الصالحه ويارب نكون ن المعتوقين من النار رمضان دة احنا وامه المسلمين
عبدو باشا
ربنا يخليك ويباركلاك فى اولادك دا لوا عندك اولاد ولو لسه ربنا يكرمك بالخلف الصالح
me2
والله الواحد مش عارف يقول ايه ادينا بنحاول للوصول للرضا المغريات كتير وحب الدنيا عشش داخل القلوب ويارب تقربنا الى الله يقربنا من الرضا ويبعد عنا حب الدنيا top
10/02/2006 03:51:00 AM
دايما كده يا عمر .. مواضيعك جميلة وفي الصميم
أطيب وأرق تحية
ولعمر مني ألف بوسه
كل سنة وانت طيب top
10/03/2006 10:22:00 AM
1bn bahya
ربنا يخليك ويارب يكون فى بنا تواصل
على فكرة انا من زوار مدونتك الدايمين top
10/03/2006 09:06:00 PM
عمر
وللا ابو عمر
اتلخبطت بس مش مهم
المهم ان ربنا يحفظ لك ويحفظك انت ومامته ليه وتبقوا احلى اسرة
ويارب كلنا نفضل كدة بعد رمضان
مايبقوش يومين وبس top
10/05/2006 04:08:00 PM
ابو عمر
إن الله إذا أحب عبد ابتلاه
محبة فى سماع صوته فى الدعاء
فإن صبر العبد كتب من الصابرين و كان من الفائزين برضا ربه و جناته بإذن الله
الحمد الله الذي ابتلاك فعفي عنك بدعائك لولدك حفظه الله لك و بارك لك فيه و فى زوجتك فيبدو من كلامك انها نعم الزوجة
ثبتك الله على الايمان و التقوى إلى يوم الدين top
10/07/2006 12:28:00 AM
حلم
ربنا يخليكى ويكرمك يارب واتمنى من الله دوام الحال بعد رمضان ان شاء الله top
10/07/2006 12:31:00 AM
رانيه
ربنا يكرمك يار رنيا بالثبات على الطاعه وما يحرمك من هزة النعمه التى لو احسها الملوك لحاربوا عباد الله الطائعين عليها وويحسن خاتمتك بازن الله بجنه رب العالمين ولك الف تحيه من ام عمر top
10/11/2006 09:45:00 PM
ربنا يحفظلك عمر و ربنا لايعود عليك الايام دي
نصيحة اخويه
كل ما تقلق حاول تفكر في حاجه حلوه او خياليه واقعيه او من نسج خيالك المهم تتخلص من القلق الفتاك
انا مريضه بالقلق بقلق عني و عن كل الي حواليا
بعدين لون البلوج شويه خليه لون من الوان الدنيا المفرحه top
11/21/2006 02:35:00 PM
(( ومن يعمل صالحاً من ذكر أو أنثى وهو مؤمن فلنحيينه حياة طيبة )) .
أي فنحييه حياة سعيدة
ربنا يخلي ليك ابنك وعائلتك كلها يارب
وادعيلنا ربنا يهدين top
12/29/2006 08:49:00 PM
كل سنة وانت طيب ... ويا رب يكرمك والسنة اللى جاية تكون على عرفات ..
تحياااتى :] top
2/27/2008 02:03:00 AM
حمدالله علي سلامته
ربنا يخليهولك يا رب top