ملك وكتابه Sunday, July 30, 2006 |
امبارح بالليل بعد العشا كالعادة ماما وبابا قعدين فى المطبخ وبابا كالعادة بيشرب القهوة بتعته و معاها حجر معسل ودايما يحب يسمع محمد منير فى الوقت دة وابتدى يحكى عن محمد منير وازاى و امتى بدا يسمعه تعرفوا انا بحب فى بابا ايه. انه هو ازى يعنى. يعنى بيعمل اللى هو عاوزة بياكل اللى هو عاوزة من غير تقيد بحس انه مختلف المهم بابا بدا يحكى عن مشوارة مع محمد منير .
زمان كنت فى سته ابتدأى وكنت بحب ازاكر مع ولاد عمتى كنت اخد كتبى وانزل ازاكر معاهم كان حسن ابن عمتى هو اكبر واحد فينا كان فى كليه علوم قسم كميا بس كان دماغ اوى وكان غاوى فنون جميله كنت اسمعه بيسمع شريط محمد منير شبابيك كنت بحب اسمع المزيكا اوى مع انى كنت ساعات مش بفهم الكلام كله او يقصد ايه بالجمله دى ولكنى كنت بحب اسمعه اوى وبعدين طلبت من والدى يجيب لينا راديوا كاسيت وطبعا دة جه بعد مشاورات كتير لانه كان فى الوقت دة يساوى تقريبا 100 واشتريت اول شريط كان مع الكاسيت كان اتكلمى ومن الوقت دة انا حاسس ان محمد منير دة بتاعى ايوة بتاعى يعنى بيغنيلى انا بيغنى الى بحسه وبدأت اشترى البومات منير واحد بعد التانى من .علمونى بنتولد . الطول والون والحريه . وسط الدايرة . شيكولاته ، الملك هو الملك ، يا اسكندرية ، بريء ، افتح قلبك ، ممكن، المصير .عشق البنات الفرحة ، مدد ،أحمر شفايف ، أنا قلبي مساكن شعبية ، امبارح كان عمرى عشرين.
اكتشفت صوته وحزنه واغترابه كل الاشياء التى تشبهنى وتشبه الجيل باكمله"لا الناس ولا امبارح ولا الزمان جارح فين قلبك الشاطر يزرع غنا وشموع انسى اللى فات وامشى امشى على كفى لو ضحكه من قلبنا حفيض وحتكفى" و"انا عمر عينى مادمعت الا على كل شىء غالى" و " مش كل شىء بيفوت فى عمرنا بيجرح قلب الحياة مليان حاجات وبتفرح"
بكانى لما غنى" قلب الوطن مجروح نهرب وفين حنروح لما الهموم تكتر"وغنى لى شجر اليمون عندما يقول" فينك انا من غير انا مش عاقل ولا مجنون انا مطحون والدنيا دى راحايه كل شى بيتسرق منى العمر مالايام والضى مننى" وغنى لاسكندريه" ياسكندريه فيكى الغلابه ع الرزق يسعوا ولا ينموش نزل شبكهم فى بحر طامى طلع شباكهم على فاشوش" وانه غنى للبحر "امانه يبحر تستلم الامانه احبابنا يا بحر فى عيونك امانه".
دائما منير كعادته بحس انه موحد مفهوم الحب تسمع اغانيه ممكن تقول بيغنى لبلدة او لامه او لحبيبته منير موحد مفهوم الحب لانه دخل قلبى لما يقول "لما النسيم يعدى بين شعرك حبيبتى باسمعه بيقول أهات"واحببته حين يقول"انا قلبى برج حمام هج الحمام منه ياللى عنيكى كلام ليه الضلوع انوا" ويشعرنى بانى مختلف لمل يقول "ساعات بحب حاجات ميحبهاش غيرى فى الرايحه والجايات بغنى مع طيرى"
منير دا الوحيد اللى بستنى شريطه مش زى حد ولا عمر دياب ولا كاظم ولا فؤاد دة حاجه تانيه كتير من الناس مش فاهمه يعنى ايه هو منيروقال "على صوتك بالغنا لسه الاغانى ممكنه" وغنى فى المظاهرات "طفى النو يابهيه كل العسكر حرميه" وغنى "اصل الخواجه ابن ماريكه لما بيدخل حواريكا يأما يخدك فى بطاطه ياامايبنى حيوريكا"وخلانى اسهر معاة لما غنى" نسهر الاوتار يطلع علينا نهار واحنا مع المشوار عدينا بحور وجبال ياليل يابو المجريح ماشى فى قلب الريح ازرع انا التفاريح اخضر انا " ويفكرنى بامى لما غنى"دوامه الدنيا خدتنى ورجعت اقول ياماىانا راجع زى زمان غلطان انا فى العنوان" لما كنت الوم نفسى افتكر منير وهو يغنى"يا عزاب النفس ياعزاب نفسى واخدانى لفين يا عزاب نفسى" ولما الحنين ياكل قلبى اسمعه" ياليله عودى تانى ياليله كونى تانى قطر المحبه نسانى عدى وليه عدانى"ولما كنت اسافر الى اى مدينه اسمعه"اة يابلد ياغريبه عدوة ولا حبيبه""لفوا بينا قالوا لينا قالولينا عل المادينه واما جينا التأينا كل شىء فيها ناسينا"ولما اشتاء لمصر اسمعه "تعالى نلضم اسامينا بالفله جنب الياسمينه ولما احس بقهر فلسطين اسمعه "اتحدى لياليك ياغروب واتوضى بشهدك ياجنوب واصلى الفرض الحطينى واكتبلك عمرى المكتوب""جينا نصبحكم بالخير ياالعمارة العمارة واحنا نغنى فى كل مكان اغانى الشعب وثوارة" منير غنى لغربتى الديمه" قول للغريب حضنك هنا دربك قريب من دربنا بيتك هنا اهلك هنا حزن البشر دة حزننا" وغنى لاحزانى" سؤال بسالك سؤال ايه اخرت الاحزان وسهر اليالى وكل ليله ف حال"وغنى للصيادين "هيلا ههيلا ايامنا على الله هيلا هيلا وقمر ليالينا هيلا هيلا ""شبك حبيبى شابيك فى جلاليبى شابيك وانا ونصيبى" وغنى لاخواتى البنات وهم راحين وجين م المدرسه" يابنت يام المريله كحلى ياشمس هاله وطاله من الكولهلو قلت عنك بالغزل قوله ممنوع عليا ولا مسموح لى" ولانه غنى افضل ما غنى للبلد "ياعروسه النيل ياسمرة ي حته م السما يالى صوتك جوى قلبى ملحمه" منير دة حاجه تانيه خالص غنى لمعظم الشعراء اللى بحبهم فؤاد حداد عبد الحيم منصور والابنودى وجمال بخيت بحس ان هو من انا بحس ان احنا من تراب الوطن دايما زى ماهو لا بيعمل نيو لوك ولا حاجه منير اةةةةةة دة حكايه. بس برضك احب اقولكم ان منير وواحد تانى بحب اسمعه يعتبروا بالنسبه ليا وجهين لعمله واحدة منير كان الملك و على الحجار الكتابه . ياهه اد كدا بابا بيحب منير. المرة الجايه ححكلكم بابا قال ايه عن على الحجار.
زمان كنت فى سته ابتدأى وكنت بحب ازاكر مع ولاد عمتى كنت اخد كتبى وانزل ازاكر معاهم كان حسن ابن عمتى هو اكبر واحد فينا كان فى كليه علوم قسم كميا بس كان دماغ اوى وكان غاوى فنون جميله كنت اسمعه بيسمع شريط محمد منير شبابيك كنت بحب اسمع المزيكا اوى مع انى كنت ساعات مش بفهم الكلام كله او يقصد ايه بالجمله دى ولكنى كنت بحب اسمعه اوى وبعدين طلبت من والدى يجيب لينا راديوا كاسيت وطبعا دة جه بعد مشاورات كتير لانه كان فى الوقت دة يساوى تقريبا 100 واشتريت اول شريط كان مع الكاسيت كان اتكلمى ومن الوقت دة انا حاسس ان محمد منير دة بتاعى ايوة بتاعى يعنى بيغنيلى انا بيغنى الى بحسه وبدأت اشترى البومات منير واحد بعد التانى من .علمونى بنتولد . الطول والون والحريه . وسط الدايرة . شيكولاته ، الملك هو الملك ، يا اسكندرية ، بريء ، افتح قلبك ، ممكن، المصير .عشق البنات الفرحة ، مدد ،أحمر شفايف ، أنا قلبي مساكن شعبية ، امبارح كان عمرى عشرين.
اكتشفت صوته وحزنه واغترابه كل الاشياء التى تشبهنى وتشبه الجيل باكمله"لا الناس ولا امبارح ولا الزمان جارح فين قلبك الشاطر يزرع غنا وشموع انسى اللى فات وامشى امشى على كفى لو ضحكه من قلبنا حفيض وحتكفى" و"انا عمر عينى مادمعت الا على كل شىء غالى" و " مش كل شىء بيفوت فى عمرنا بيجرح قلب الحياة مليان حاجات وبتفرح"
بكانى لما غنى" قلب الوطن مجروح نهرب وفين حنروح لما الهموم تكتر"وغنى لى شجر اليمون عندما يقول" فينك انا من غير انا مش عاقل ولا مجنون انا مطحون والدنيا دى راحايه كل شى بيتسرق منى العمر مالايام والضى مننى" وغنى لاسكندريه" ياسكندريه فيكى الغلابه ع الرزق يسعوا ولا ينموش نزل شبكهم فى بحر طامى طلع شباكهم على فاشوش" وانه غنى للبحر "امانه يبحر تستلم الامانه احبابنا يا بحر فى عيونك امانه".
دائما منير كعادته بحس انه موحد مفهوم الحب تسمع اغانيه ممكن تقول بيغنى لبلدة او لامه او لحبيبته منير موحد مفهوم الحب لانه دخل قلبى لما يقول "لما النسيم يعدى بين شعرك حبيبتى باسمعه بيقول أهات"واحببته حين يقول"انا قلبى برج حمام هج الحمام منه ياللى عنيكى كلام ليه الضلوع انوا" ويشعرنى بانى مختلف لمل يقول "ساعات بحب حاجات ميحبهاش غيرى فى الرايحه والجايات بغنى مع طيرى"
منير دا الوحيد اللى بستنى شريطه مش زى حد ولا عمر دياب ولا كاظم ولا فؤاد دة حاجه تانيه كتير من الناس مش فاهمه يعنى ايه هو منيروقال "على صوتك بالغنا لسه الاغانى ممكنه" وغنى فى المظاهرات "طفى النو يابهيه كل العسكر حرميه" وغنى "اصل الخواجه ابن ماريكه لما بيدخل حواريكا يأما يخدك فى بطاطه ياامايبنى حيوريكا"وخلانى اسهر معاة لما غنى" نسهر الاوتار يطلع علينا نهار واحنا مع المشوار عدينا بحور وجبال ياليل يابو المجريح ماشى فى قلب الريح ازرع انا التفاريح اخضر انا " ويفكرنى بامى لما غنى"دوامه الدنيا خدتنى ورجعت اقول ياماىانا راجع زى زمان غلطان انا فى العنوان" لما كنت الوم نفسى افتكر منير وهو يغنى"يا عزاب النفس ياعزاب نفسى واخدانى لفين يا عزاب نفسى" ولما الحنين ياكل قلبى اسمعه" ياليله عودى تانى ياليله كونى تانى قطر المحبه نسانى عدى وليه عدانى"ولما كنت اسافر الى اى مدينه اسمعه"اة يابلد ياغريبه عدوة ولا حبيبه""لفوا بينا قالوا لينا قالولينا عل المادينه واما جينا التأينا كل شىء فيها ناسينا"ولما اشتاء لمصر اسمعه "تعالى نلضم اسامينا بالفله جنب الياسمينه ولما احس بقهر فلسطين اسمعه "اتحدى لياليك ياغروب واتوضى بشهدك ياجنوب واصلى الفرض الحطينى واكتبلك عمرى المكتوب""جينا نصبحكم بالخير ياالعمارة العمارة واحنا نغنى فى كل مكان اغانى الشعب وثوارة" منير غنى لغربتى الديمه" قول للغريب حضنك هنا دربك قريب من دربنا بيتك هنا اهلك هنا حزن البشر دة حزننا" وغنى لاحزانى" سؤال بسالك سؤال ايه اخرت الاحزان وسهر اليالى وكل ليله ف حال"وغنى للصيادين "هيلا ههيلا ايامنا على الله هيلا هيلا وقمر ليالينا هيلا هيلا ""شبك حبيبى شابيك فى جلاليبى شابيك وانا ونصيبى" وغنى لاخواتى البنات وهم راحين وجين م المدرسه" يابنت يام المريله كحلى ياشمس هاله وطاله من الكولهلو قلت عنك بالغزل قوله ممنوع عليا ولا مسموح لى" ولانه غنى افضل ما غنى للبلد "ياعروسه النيل ياسمرة ي حته م السما يالى صوتك جوى قلبى ملحمه" منير دة حاجه تانيه خالص غنى لمعظم الشعراء اللى بحبهم فؤاد حداد عبد الحيم منصور والابنودى وجمال بخيت بحس ان هو من انا بحس ان احنا من تراب الوطن دايما زى ماهو لا بيعمل نيو لوك ولا حاجه منير اةةةةةة دة حكايه. بس برضك احب اقولكم ان منير وواحد تانى بحب اسمعه يعتبروا بالنسبه ليا وجهين لعمله واحدة منير كان الملك و على الحجار الكتابه . ياهه اد كدا بابا بيحب منير. المرة الجايه ححكلكم بابا قال ايه عن على الحجار.