كبدة اسكندرانى
سامحونى اتأخرت عليكم شويه اصلى كنت فى اجازة مع ماما وبابا شويه
وبصراحه اخبار لبنان معكننه على البيت كله.المهم ماما وبابا كانوا قاعدين بيتكلموا على التنميه فى الدول العربيه وخصوصا مصر و بابا بيعمل مقارنه بين الدول الشيوعيه اللى غيرت نظمها زى رومانيا و بولغاريا والمجر والتشيك والسولفاك والبانيا.
المهم بابا بيدى مثال على رومانيا ان الثورة ضد الشيوعيه قامت فى اول التسعينات وازاى ان دوله عددها تقريبا 22 مليون قدرو فى 15 سنه يعملوا اصلاح اقتصادى اعلى من اللى مصر ما قدرتش تعمله من 45 سنه. وانهم بيستعدوا لدخول السوق الاوربيه المشتركه.
على فكرة بابا بيقول انه زار الدول دى فى بدايه الثورة وكانت فى حاله وحشه اوووى. طيب ازى دلوقتى العمله بتاعت رومانيا على سبيل المثال الدولار=2.7يعنى اقوى مننا بكتير.
مع انه بعد اثورة كان يساوى كتير اووى بالالاف.طيب ايه اللى حصل ممكن هما صح طيب فين مصر من دة. تعرفوا ان مصر بتيجى فى المركز الرابع من حيث تحويلات المصرين فى الخارج بعد الهند والصين والمكسيك بتروح فين الفلوس دى كلها وليه الناس تعبانه .اكيد احنا السبب علشان سايبين شويه حراميه يضحكوا علينا بالخطط الخمسيه المباركيه والطبل والزمر بتاع وزارة الاعلام وعلى راى فلاح كفر الهنادوة يجعله عامر.
اه لو اقلوكم على جمال الطبيعه هنا على فكرة احنا فى مكان على الجبل على ارتفاع 1600 من سطح البحر بابا بيقول كدة بس لما شاف فى عينى الانبهار بالطبيعه دى بصلى وقلى مصر احلى بكتير اوووى اوووى بكرة تعيش فيها وتستمتع زيى انا وماما تعرف ياعمر انا لافيت بلاد كتير اووى من شمال اوربا الى وسطها دول غنيه دول فقيرة
يعنى من سويسرا لالمانيا لهولندا لفرنسا بلجيكا الدنمارك بس عمرى محسيت انى مرتاح ممكن احس بمتعه لبعض الوقت بس عمرى ما ارتحت بمجرد ما افتكر انا مين ومن فين احس بهم كبير اووى جوى قلبى لانى مش فى بلدى اللى انا اتولدت فيها ارض جدودك الارض الطيبه اللى ممكن تكون اجرة الواحد فيها ابتسامه. بكرة لما تعيش فيها عاوزك تحبها اووى وتعمل كلل اللى فى وسعك علشان ترفع شانها الارض و الشعب الناس الغلابه اللى انت منهم هما دول مصر وعاوزك تعرف يا عمر انك لك اب راجل ابوه طفح الدم علشان يعلمه راجل مسئول عن اسرة من 7 اشخاص وابوك كان اكبر واحد فيهم علشان كدة شال معاه وابتدى حياته العمليه بدرى اووى
اوعى تغرك انك بتاكل دلوقتى كورن فلكس مع الحليب وحياتك مرتاحه مبتفكرش فى لقمه العيش انت يا عمر مصرى من اسكندريه ابوك اتولد هناك فى حى قديم اووى اسمه غيط العنب وان شاء الله لازم اوريهولك اى نعم ان كلنا نقلنا فى سيدى بشر خالاتك وعماتك حتى جدك
وجدتك ام مامتك بتفكر تعزل سموحه من العطارين بس احنا دامنا كله من الحتت ديه كرموز و غيط العنب والسياله ومحرم بك و البياصه
تعرف يا عمر انا وماما لما كنا مخطوبين كانت احلى حاجه عندنا ان نشترى سندوتشات كبدة من ابو غريب و نقعد فى قهوة الوطنيه مع كوبيتين شاى تعرف احلى من جنيف وباريس.
بابا سكت ولمحت فى عينه دمعه حسسيتنى اد ايه هو بيحب بلدة الى هيا بلدى وبرغم الجمال اللى كنت شايفه تمنيت لو انى اكون معاهم على شط اسكندريه بناكول كبدة او سندوتشين فول وفلافل من ابو عوض.
وبصراحه اخبار لبنان معكننه على البيت كله.المهم ماما وبابا كانوا قاعدين بيتكلموا على التنميه فى الدول العربيه وخصوصا مصر و بابا بيعمل مقارنه بين الدول الشيوعيه اللى غيرت نظمها زى رومانيا و بولغاريا والمجر والتشيك والسولفاك والبانيا.
المهم بابا بيدى مثال على رومانيا ان الثورة ضد الشيوعيه قامت فى اول التسعينات وازاى ان دوله عددها تقريبا 22 مليون قدرو فى 15 سنه يعملوا اصلاح اقتصادى اعلى من اللى مصر ما قدرتش تعمله من 45 سنه. وانهم بيستعدوا لدخول السوق الاوربيه المشتركه.
على فكرة بابا بيقول انه زار الدول دى فى بدايه الثورة وكانت فى حاله وحشه اوووى. طيب ازى دلوقتى العمله بتاعت رومانيا على سبيل المثال الدولار=2.7يعنى اقوى مننا بكتير.
مع انه بعد اثورة كان يساوى كتير اووى بالالاف.طيب ايه اللى حصل ممكن هما صح طيب فين مصر من دة. تعرفوا ان مصر بتيجى فى المركز الرابع من حيث تحويلات المصرين فى الخارج بعد الهند والصين والمكسيك بتروح فين الفلوس دى كلها وليه الناس تعبانه .اكيد احنا السبب علشان سايبين شويه حراميه يضحكوا علينا بالخطط الخمسيه المباركيه والطبل والزمر بتاع وزارة الاعلام وعلى راى فلاح كفر الهنادوة يجعله عامر.
اه لو اقلوكم على جمال الطبيعه هنا على فكرة احنا فى مكان على الجبل على ارتفاع 1600 من سطح البحر بابا بيقول كدة بس لما شاف فى عينى الانبهار بالطبيعه دى بصلى وقلى مصر احلى بكتير اوووى اوووى بكرة تعيش فيها وتستمتع زيى انا وماما تعرف ياعمر انا لافيت بلاد كتير اووى من شمال اوربا الى وسطها دول غنيه دول فقيرة
يعنى من سويسرا لالمانيا لهولندا لفرنسا بلجيكا الدنمارك بس عمرى محسيت انى مرتاح ممكن احس بمتعه لبعض الوقت بس عمرى ما ارتحت بمجرد ما افتكر انا مين ومن فين احس بهم كبير اووى جوى قلبى لانى مش فى بلدى اللى انا اتولدت فيها ارض جدودك الارض الطيبه اللى ممكن تكون اجرة الواحد فيها ابتسامه. بكرة لما تعيش فيها عاوزك تحبها اووى وتعمل كلل اللى فى وسعك علشان ترفع شانها الارض و الشعب الناس الغلابه اللى انت منهم هما دول مصر وعاوزك تعرف يا عمر انك لك اب راجل ابوه طفح الدم علشان يعلمه راجل مسئول عن اسرة من 7 اشخاص وابوك كان اكبر واحد فيهم علشان كدة شال معاه وابتدى حياته العمليه بدرى اووى
اوعى تغرك انك بتاكل دلوقتى كورن فلكس مع الحليب وحياتك مرتاحه مبتفكرش فى لقمه العيش انت يا عمر مصرى من اسكندريه ابوك اتولد هناك فى حى قديم اووى اسمه غيط العنب وان شاء الله لازم اوريهولك اى نعم ان كلنا نقلنا فى سيدى بشر خالاتك وعماتك حتى جدك
وجدتك ام مامتك بتفكر تعزل سموحه من العطارين بس احنا دامنا كله من الحتت ديه كرموز و غيط العنب والسياله ومحرم بك و البياصه
تعرف يا عمر انا وماما لما كنا مخطوبين كانت احلى حاجه عندنا ان نشترى سندوتشات كبدة من ابو غريب و نقعد فى قهوة الوطنيه مع كوبيتين شاى تعرف احلى من جنيف وباريس.
بابا سكت ولمحت فى عينه دمعه حسسيتنى اد ايه هو بيحب بلدة الى هيا بلدى وبرغم الجمال اللى كنت شايفه تمنيت لو انى اكون معاهم على شط اسكندريه بناكول كبدة او سندوتشين فول وفلافل من ابو عوض.