<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d30989150\x26blogName\x3d%D8%B9%D9%8A%D9%84+%D9%85%D8%B3%D8%A7%D9%81%D8%B1\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttp://3aylmsafer.blogspot.com/search\x26blogLocale\x3den_US\x26v\x3d2\x26homepageUrl\x3dhttp://3aylmsafer.blogspot.com/\x26vt\x3d-3422861478142382881', where: document.getElementById("navbar-iframe-container"), id: "navbar-iframe" }); } }); </script>

كل عام وانتم بخير Monday, October 23, 2006 |

عيدكم مبارك

الفجر شق شق Friday, September 29, 2006 |

من ساعه ما وعيت على الدنيا وانا بفكر فى السعادة ...ايه هى السعادة وازى احس بيها. وليه انا دايما مش سعيد دايما قلقان ديما متوتر مش فاهم ليه حتى الشعور بالفرح لاى سبب دايما مؤقت ما يدمش غير ساعات او ايام
وارجع تانى زى ماكنت قلقان متوتر بدون سبب حتى لو مفيش حاجه تستاهل الكلام دة يمكن انا شخص كئيب بطبعى مش عارف بس انا اى حد ممكن يقولى كلمه ممكن ما يقصدهاش او احس ان فيها ريحه مش حلوة ممكن توترنى وتحرقلى نص لتر دم .هل هو دة الصح او الواحد لازم فى الزمن دة يكون جلدة جلد تمساح
والله كتير بفكر ليه انا كيدة ليه ما اكبرش الجيم واريح الدال يعنى اكبر الجمجمه واريح الدماغ. والله حاولت ومش بقدر ودة بيسبب لى مشاكل كتير مع نفسى بس اعمل ايه ربنا خلقنى كدة خلقتى كدة المهم مش حطول عليكم. حكمل موضوع السعادة اللى انا دايما محتار معاها من فتره بعيدة اووى يعنى كانت السعادة بالنسبه ليا ممكن تكون فى النجاح فى الدراسه والشهادة مثلا شراء اشياء جديدة مثلا هدوم عربيه او شقه الجواز او الجواز نفسه او الارتباط بالبنت اللى بتحبها وبعدين جوازك منها وبعدين اول مولود وفرحتك وسعاتك بيه وخصوصا اول مولود انا حسيت بفرحه عمرى ما حسيتها قبل كدة. حاجات زى كدة منكرش ان الحاجات دى مهمه بس عمرها مادتنى احاسس مستمر بالسعادة كلها سعادة مؤقته بعد فترة بتفقد بريقها ومع دوامه الحياة اللى احنا فيها علشان نعيش افضل ونوفر حياة افضل لينا ولعيالنا دايما مش مبسوط اقصد شعور مستمر بالارتياح والطمئنينه . لحد رمضان اللى فات وبصراحه كان عمر ابنى عمره ساعتها 6 شهور ومراتى وابنى نزلوا مصر شويه وكانت صحه عمر مش مطمئنه يعنى انا وامه لسه مفيش خبرة المهم راحت مراتى بيه لداكترة كتير وكله يقول مفيش حاجه محتاج تغزيه شويه وبعد ما رجعت مراتى فوجئت بيها بتقلى ان عمر عندة مشكله فى الدم انميا ونقلتله دم مرتين فى مصر وعملت له تحاليل كتير والدكترة مش عارفين ايه السبب . مش عارف اوصف لكم ساعتها احساسى كان ايه بس على طول ظبط ميعاد عند دكتور اطفال ممتاز هنا ورحنا عندة بالتحاليل واول لما شفها قال التحاليل دى مش مظبوطه اوى بس من حاله الولد انه عندة انميا وراثيه بتحصل صدفه لو الام والاب حاملين لصفه وراثيه معينه ودا ممكن يحتاج لنقل دم كل 3 اسابيع مدى الحياة ولازم ياخد ابرة كل يوم لمدة 10 ساعات لخفض نسبه الحديد بالدم والحل الوحيد هو عمل زرع نخاع للعظام ودة لازم يكون من اخ اواخت له متماثلين فى الالياف العظميه ونادرا ما يحدث هزا الا فى التوائم وعلى العموم حنحاول نعمل اللى علينا ونشوف بعد كدة . المهم طلب مننا تحاليل كتير صورة دم كامله و تحليل كهربى للهموجلوبين وكانت التحاليل لازم تاخد 3 اسابيع مش عارف اوصف ايه اللى حصلى ساعتها لحد دلوقتى مش قادر الاقيله وصف وبما انى من اللى بيعودو على النت فضلت ابحث عن حالات الانميا وملاتش جديد كل الكلام يؤكد كلام الدكتور ساعتها اتمنيت انى اموت والله ولا اكونش السبب فى لحظه الم واحدة لابنى اللى انتظرته كتير وعمرى ما تخيلت انى اكون السبب انا وامه فى اللى هو فيهوفكرت فى حالتى وانى ربنا ادانى حاجات كتير مكنتش حاسس بيها وبعد مدة من الاكتئاب والمعانه ملقتش غير ابو باب واسع باب الرحمه و المغفرة مفتوح ادامى بعد ماكنت غير مواظب على الصلاة مبقتش اسيب فرض وربنا كرمنى ان احنا كنا فرمضان كنت حريص جدا على الصلاة العشاء والتراويح بالمسجد مع بعد المسافه بين المسجد والبيت وكزلك ضيق الوقت كنت ساعات بروح اللى الصلاة حتى لو لم اكل تماما يوم بعد يوم من الصلاة والدعاء والبكاء لله والاستمرار فى صلاة و التهجد بالبيت انا ومراتى بدات مراتى تقلى كلام غريب (انا ابنى مفهوش حاجه وحتشوف انا حسه ان ربنا حيوقف معانا) وكانت على اقتناع تام باللى بتقوله وانا ابصلها باستغراب لان التحاليل ظهرت وتاكد ان عمر عندة مشكله كبيرة ولكن بالصلاة والتقرب الى الله يوم بعد يوم وفى الظروف دى وجت نفسى فى حاله عمرى ما حسيت بيها لاقيت نفسى مبسوط دايما برغم ما كنت انتظرة من ماساة انا وزوجتى وبدانا نكيف حياتنا على الوضع الجديد وازاى حنحاول نكون اد الاختبار الربانى دة وحسينا ان احنا لاقينا اللى بندور عليه ان كل الواحد ما حس انه قريب من ربنا وكان راضى عن نفسه هى دى السعادة كل ما بص فى المرايه الصبح واحب نفسى ما لومهاش على اى تقصير منها وخصوصا فى واجبات ربنا و استمر الوضع دة مدة وكل شهرين كنا بنعمل تحاليل لعمر والدكتور يقول فى تحسن لحد اخر مرة كانت من مدة 4 اشهر وقال ان عمر بقى طفل طبيعى وانه حيعيش حياة طبيعيه زى اى طفل ودة حصل بمعجزة هو مش عارف دة حصل ازى والحمد لله عملنا التحاليل اكتر من مرة ليتاكد من الكلام دة وغمرتنا الفرحه انا ومراتى والعيله الكريمه جدة وجدته لانهم كانوا دايما بيدعوله والكل ومن ساعتها عرف معنى السعادة وقيمه الصحه والحاجات الكتير اللى ربنا مدهالنا واحنا من كتر مطالب الحياة وتكالبنا عليها خلتنا ننساها ولانى انسان دايما بنسى بدات ااقطع فى الصلاة تانى و قرايه القران كانى كنت بعمل كدة بسبب اللى كنت فيه ولان باب ربنا دايما مفتوح وعمرة ما بيرد حد وخصوصا لو رايحله بقلب اكيد حيغفرله ورمضان دة انا مصر على الالتزام اووى اووى لانى عارف ان ربنا دايما بيغفرو بيفرح بعودة وتوبه العبد واكيد بعد كدة حغلط تانى وحرجع لانى انسان ومش معصوم بس عرفت من التجربه دى يعنى ايه السعادة وحسيت ان هى عبارة عن الرضا عن النفس او ان الواحد يبقى راضى عن نفسه يعنى كل ما تبص جواك لازم تكون راضى حاسس بسلام وصدقونى مفيش اجمل من الاحساس دة الى دلوقتى عرفته وساعات كتير بيروح منى لاكن بعرف ارجعه لما اقعد مع نفسى واعرف الغلط فين و اطلب الصفح من الله

كل سنه وانتم طيبين Wednesday, September 20, 2006 |






كل سنه وانتم طيبين وربنا يعود علينا وعليكم الايام بخير ويهدينا ويصلح احوال المسلمين

لا عقيدة ولا ضمير Thursday, September 07, 2006 |

المانيا مطار فرانكفورت 25مارس1993
اليوم دة كان اول يوم اخرج فيه من مصر واشوف بلد اوربى زى المانيا كنت لسه فى كليه
هندسه فى اول سنه كان نفسى اروح امريكا او اوربا علشان اعرف السر. سر التقدم اللى هما فيه
مش عارف احكلكم ازى عن المطار مطار فرنكفورت من اكبر مطارات العالم الوقت دة وازى ان كل الموصلات موجودة داخل المطار حتى القطر انا فاكر انى كنت رايح منطقه اسمها كولن واخدت تزكرة من المطار بعد ما سالت الاستعلامات عن مكان التزاكر وفوجئت بشىء غريب ان موظفه الاستقبال قالتلى
قالت :انت رايح فين
قلت :رايح كولن ومن هناك حغير القطر وواطلع على اخن(اخن منطقه على حدود هولند
قالت:وبعدين رايح حته تانيه
قلت :اة ممكن اطلع على امستردام
قالت:طيب هنا عندنا نظام اسمه(ميتفارا سنترالا)يعنى (ممكن حد يكون المانى مسافر
بعربيته الى امستردام)بيعدىيسجل اسمه فى المكتب بتعهم لو محتاج حد يسافر معاه ومنها
\يساهم معاه فى تمن البنزين ويسلو بعض
بصراحه انا بلمت مع ان الفكرة بسيطه اوى
قلت: انا احب اسافر بالقطر علشان اشوف الطبيعه بين الجبال احسن
قالت:ما انت بالعربيه حتشوفها بردك على العموم مكان حجز التزاكر هناك
قلت: شكرا ومشيت
ورحت حجزت تز كرة بالقطر بس الفكرة لسه معايه
المهم وصلت كولن ومنها الى اخن ولقيت ماجد صحبى مستانينى هناك المهم بعد السلام
والتقرير عن اخبار
الاهل واسكندريه اتحركنا الى امستردام من طرق فرعيه لان لسه ماكنش فيه اتحاد اوربى الوقت دة مش قادر اوصف لكم اد ايه النضافه والجمال الموجود فى امستردام او فرانكفورت لانى زرتها تانى كتيرهى وجنيف وباريس وعدة مدن اوربيه غربيه او شرقيه الى لحظته ان اوربا الغربيه متقدمه كتير اووى عن اوربا الشرقيه فى الوقت دة المهم لفت نظرى من اول لحظه الالتزام فى كل شىء كان الناس متخرجه من مدرسه واحدة ومن بيت واحد وام واب ليهم كلهم
مش عارف الزاى مفيش حد بيكسر اشارة محدش بيرمى الزباله فى غير معدها وغالبا بيكون يومين فى الاسبوع بعد العاشرة مساء كل الناس بتركب الاتوبيس والمترو والترام الكل بيدفع مع عدم وجود كمسرىبصراحه احترت كتير علشان اوصل للسر بس قلت انا لازم اعرف ليه معظمهم ملحدين ملهمش دين حتى المسيحى منهم مبيروحش الكنيسه ودة من خلال اسئلتى ليهم اتضح ان اكتر من 90 او 95 فى الميه ملحدين بالدول اوربا الغربيه طيب ايه السبب مفيش عقيدة او دين يخلى الواحد عندة ضمير لانى اعتقد ان الضمير هو ابن العقيدة او القيم اللى بنؤمن بيها ودة اللى بيحرك ضمرنا ساعه عمل اى شىء غلط طيب ازى هما مصريين على الصح بالدرجه دى
بمرور الوقت وسفرى الفكرة فى راسى لحد ما جتلى فكرة كنت ساعتها بشتغل فى محل للوجبات السريعه بالسنتر فى امستردام قلت طيب حنشوف ايه الحكايه
كنت بتعمد اسيب فلوس ادامى ساعه لما المحل يكون فاضى واستنى لما زبون يخش واعمل نفسى مش شايفها واشوف حيتصرف ازى
تسدئوا والله العظيم يمكن واحد او اتنين من خلال اسبوع من التجربه هو اللى يقولى فيه فلوس هنا خدها والبقين كلوا يحاول يدريها ويضربها فى جيبه ويكمل عليها تمن الاكل
اللى حيطفحه
مع انى كنت بسيب مبلغ بسيط يعنى (5 جلدر هى تساوى دلوقت 2 يورو. طيب ايه
السبب انهم ملتزمين كدة مع انهم معندهمش ضمير والدليل ان ساعه اى حد منهم مايلاقيش
حد شيفه ممكن يسرق او يعمل اى حاجه غلط .
وجت السر بعد معرفتى باوربا لبعض الوقت لاقيت كل الناس بتدفع فى الموصلات مع عدم وجود كمسرى لان ممكن الترام يقف فجاة ويطلع مجموعه من الناس اسمهم (كنترول وياويله اللى معهوش تزكرة او اشتراك) بياخد غرامه تساوى تقريبا 4 اشهر ركوب مواصلات ودة لو معاه مايثبت عنوانه وهو مين. لانه لو مش معاه حيتسحب على قسم الشرطه بكل لطف وحيدفع الغرامه حيدفها حتى لو باع عفش بيته ولاقيت دة برضك بالا لتزام بالمواعيد يعنى كل الناس عرفه معاد رمى الزباله والمكان المخصص وانا عن نفسى دفعت مرة 300 جلدر غرامه لانى رميت 6 اكياس قبل الميعاد والله كنت بعزل من شقه ولازم اسلمها نضيفه زى ما ختها وفضلرا ورايا لحد مدفعت. يعنى الموضوع بصراحه متلخص فى كلمه واحدة

(قوة تطبيق القانون)هو الى بيحكم هو اللى منظم كل حاجه مفيش محسوبيات مفيش
رشاوى مفيش ابن فلان ولا ابن فلانه الكل امام القانون سواء وهما بالتكرار للالتزام بقوا
ملتزمين غصب عنهم
انا سمعت مرة فى خطبه جمعه ان ربنا ممكن ينصر دول كافرة لكن عادله وفى نفس
الوقت يهزم دول مسلمه لكن ظالمه. وهو دا حالنا وحالهم
الغرب انتصر علينا بالعدل . العدل بنهم كافراد المساوة فى الحقوق تطبيق القانون على
الجميع الكبير او الغنى قبل الفقير مع ان معندهمش فقرا الفقر ربنا خلقه للدول الظالمه لينا
. لحد ما نتغير بالفعل مش بالكلام


الحجاب ؟؟ Saturday, September 02, 2006 |


بناء على طلب الاخت
موزيك بالتعليق على البوست بتاعها عن الحجاب.فانا قلت لنفسى ارد ببوست عن الموضوع دة اشرح فيه وجهه نظرى
البدايه
ان المرآه فى تاريخ ماقبل الاسلام كانت تحيا حياه اقل ماتوصف به هو انها حياه ذليله ..فكانت احقر من العبيد الخدم
:ففى الحضاره الغربيه
لم تكن سوى جاريه او غاويه ..مهمتها هى الخدمه والمتعه..لا تشاور ولا ياخد .رايها
:وفى حضاره جنوب شرق اسيا
لم تكن احسن حالا .. فهى للخدمه والشهوه فقط.. فان كانت من اسره .عريقه .. فيكفى ان تجلس فى البيت
:وفى العرب
الفتاه التى تولد تدفن حيه..وهو المعروف ب "وأد البنات"خشيه من العار .والفقر ولم ينجو سوى القليل
فجاء الاسلام
ليعز المراه المسلمه بعد زل بعدما كانت مهمل.واصبح لها راى فى كل شئون بيتها وجعل قرار زواجها بيدها وجعل لها زمه ماليه مستقله
وجعل لها ارث من
الرجل واباح لها العمل
وهو مالم يعرفه الغرب الا بعد عشرات السنين
واليوم ينادون ان الاسلام ظلم المراه..واهان المراه...قلب الحقائق.قلب الحقائق ارايتم كيف؟
معوقات وشبهات تؤجل ارتداء الحجاب
الحجاب جوهر وليس مظهر
فالجوهر هو الاهم ..وان الله يحاسب عما فى القلب.. وان كثير من المحجبات
.غير ملتزمات فالسلوك هو الاهم
واقول لك...........
نعم السلوك مهم.. وليس مقبول ان نطيع الله فى جزء ونعصاه فى جزء اخر .. ان الله فرض الحجاب بشكله لمهمه معينه وهى حمايه المراه
من العيون المتلصصه بها ..فتكون الفتاه محجبه فذلك يمنع العيون الجارحه من تتبع حركاتها
بعد فتره*
فانا مقتنعه ان الحجاب مهم..وانه فرض فرضه الله..ولكن اريد تاجيله .لبعض الوقت
واقول لك.............
ما اد راك ان تعيشى لترتديه........؟ ومن ادراك ان العمر يبقى لتحققى امالك؟ ومن منا يضمن ان يعيش غدا ؟...بل من منا يضمن ان يخرج النفس الذى دخل الان"فاذا جاء اجلهم لايستاخرون ساعه ولا يستقدمون
اريد ان اتزوج*
وان ارتديت الحجاب فلن استطيع ان اظهر جمالى و شباب اليوم يريدون الفتاة الجميله المبهرة..وانا اريد الزواج
واقول لك............
احذرى من هذا النوع من الزواج ..الذى يعتمد على جمالك.. من يريد الجميله .دون سلوكها وخلقها سيرميها غدا ويبحث عن اخرى اكثر جمالا وابهارا وابحثى عن الزوج الخلوق. من يريد الخلق مع الجمال المقبول.والجمال المقبول لايخفيه الحجاب
اريد العمل*
فالحياه الاقتصاديه سيئه واريد مساعده والدى واصحاب العمل يريدون .كشف شعر الفتيات التى تعمل لديهم لجذب
الزبائن
واقول لك..........
.اجعلى صاحب العمل يتمسك بك لتميزك فى مهنتك وليس لتميزك فى شكلك..احترفى ما تقومى به ووسعى قدراتك
تعلمى وافهمى.. وحينئذ سيكون صاحب العمل هو الذى يحتاجك وليس العكس.ثم ان الرزق بيد الله وليس بيد صاحب العمل رضا الله ام رضا الناس
الحقيقه انه لن يستطيع احد رضا الخلق .. فالناس طبائعهم مختلفه الاولى رضا الخالق وطاعه الله تجلب رضا الناس وتجلب السعاده فى
الدنيا والاخره " من ارضى الناس بسخط الله .. سخط الله عليه.. واسخط
عليه الناس..ومن ارضى الله بسخط الناس..رضى الله عنه وارضى عنه الناس
الحكم الشرعى للحجاب
الحجاب باتفاق جميع ائمه المسلمين قديمهم وحديثهم هو فرض من رب العالمين ولا يجوز ان تخلع المره حجابها طالما
هى قادره على ارتداءه من القران
" ياايها النبى قل لازواجك وبناتك ونساء المؤمنين يدنين عليهن من جلابيبهن ذلك ادنى ان يعرفن فلا يوذين"
من السنه
"المراه اذا بلغت المحيض فلا يحل لها ان تظهر الا هاتين واشار الى الوجه والكفين"
معنى الحجاب
هو الستر والمقصود ان تستر المراه جمالها وعوراتهاومفاتنها حتى لايطمع الذى فى قلبه مرض وهو الحكمه التى من اجلها شرع الحجاب
شروط الحجاب
ان يستر..................فلا يظهر جزء مما حرم الله ظهوره .الا يشف.................فلا يبين جزء من جسد المراه تحته.الا يصف................فلا يجسد او يحدد جزء من حسم المراه
فتوى دار الافتاء*
لبس المراه للبنطلون المفصل لجسدها حرام شرعا كما ان تعريه شعر المره وساقيها حرام شرعا
وبالنسبه لحدود الزى الشرعى فهو كل مايستر جميع بدنها ماعدا الوجه والكفين والكعبين شريطه ان يكون واسعا محتشما فضفاضا لا يشف ولا يصف بدنها وبالنسبه لعقوبه التبرج والسفور فى الاخره فهى عقوبه شديده وهى من الكبائر شرعا
وبالنسبه لمن يشترطون خلع المراه لحجابها فى العمل او الدراسه فانهم اثمون شرعا ولا يجوز للمراه ان تفعل ذلك لقوله صلى الله عليه وسلم" لا طاعه لمخلوق فى معصيه الخالق
اتمنى من الله قد اكون قدمت وجهه نظر الدين ومن خلالها وجهه نظرى فى الحجاب

عندهم حكايات

بنت مصريه  امواج  العدالة للجميع  الوعى المصرى  التعذيب فى مصر  أحزان ديسمبر  عوليس   الفارس الأخير   أبو يوسف  وش مكرمش  الطبيعى  مالـــك  لوحده   كلمتين  الذهبية  حواديت   تياترو  طعام   غادة  لست أدرى  كروان  جيرونيمو   سامية تحاول  إيمان  نور القمر  نيـرو  مريـم  invisable  وبُسبُس  نفس مويا  الأغانى  بلوروز  شيمـــاء   إبيتـــاف   عايزة اتجوز  شيريهان   هووب   بنفسج  شــغـــف  مزاج   أميرة  أوسا   مسافرة   ام المريلة  حائر فى دنيا الله  قلم رصاص   أيوب  حلــــم  خربانة   شدو   إرحم دماغك  طعمة  أهو كلام   جدو عبدالله النديم   العروة الوثقى  غسيل مخ  مهاجر   حزب العواطلية  كينج توووت  ميندونا  صوتها الحب  الورد والحب والحماقة  هو شايف إنه حر  حكاوى آخر الليل  ملك وكتابة  إخناتون يهمس  صاحب الأشجار  طى المتصل  جار القمر   كله محصل بعضه  واحد من مصر   واحدة مصرية  بحــــــر  سارة  آية والأقصى  الحياة حرب  المؤرخ  مواطن مصرى  سويدى  مايحكمشى  رضوى  ما بدا لعمرو  مفيش فايده   دين وديناميت  يسكن آخر الحارة  شوبش  أيمن يقطع   البوابه   سبعة كيبورد  زئير أسد  اذكريه قبل أن ينسى يديه  مـَــصْـــِـرنـَـــا   جميله بو حريد   سلمى  القهوة العالية  مزيكا حزايني شويه   نــور  سوسة المفروسة   كان وياما كان   رانيه  مـيــــــــــــت  الفارس المصري  ارتباك  مكسوفه  ابن بهيه  خواطر امراه  مزاجنجى  شبابيك  بالمقلوب  سمسمه   غاده الكامليا   بهـــججــــه   عجبى   كلبوزة   حلم  

اماكن مهمه

فؤاد حداد  المسحراتي - فؤاد حداد  رباعيات صلاح جاهين  دار الأوبرا المصرية  مكتبة الاسكندرية  ساقية عبد المنعم الصاوي الثقافية  الأهرام ويكلي - الثقافة في أسبوع  كنانة  المركز الثقافي الفرنسي بالقاهرة  معهد جوته الألماني بالقاهرة  المورد الثقافي  تاون هاوس  مكتبة النيل والفرات  كتب عربية  بدون  مكتبة الوراق للكتب الإلكترونية  مشروع جوتنبرج للكتب الإلكترونية  المعاجم العربية  مجمع اللغة العربيةكتاب في جريدة  مجلة الثقافة الجديدة  ثمرات المطابع  وجهات نظر  منتدى الكتاب العربي  كيكا  دار ميريت للنشر  سلوى بكر  The Art Review  الشبكة العربية لمعلومات حقوق الإنسان  المجموعة المصرية لمناهضة العولمة  شايفنكم  صامدون  كفاية  الحملة الشعبية من أجل التغيير - الحرية الآن  هيومان رايتس ووتش  نسخة من الدستور المصري  المركز المصري لدعم الجمعيات الأهلية  جمعية المساعدة القانونية لحقوق الإنسان  المبادرة المصرية للحقوق الشخصية  رابطة المرأة العربية  مؤسسة مركز قضايا المرأة المصرية  مؤسسة المرأة والذاكرة  بوابة المنظمات غير الحكومية العربية  نهضة المحروسة  فاتحة خير  كنانة أونلاين  الجمعية المصرية لصعوبات التعلم  لغة الإشارة باللغة العربية  مساعدة.كوم  فكرزاد  بص وطل  ويكيبيديا العربية  موقع بابل فيش للترجمة  مشروع الدليل المفتوح  الوقت حول العالم  أكواد الاتصال الدولي  صوت القرآن الحكيم  موقع قراء القرآن الكريم  إسلام أونلاين  الشبكة الإسلامية  طريق الإسلام   القرآن الكريم  قطاع الفنون التشكيلية  المركز المصري للثقافة والفنون  آثار القاهرة الإسلامية  فـيـروز  زمن الوصل  مـحـمـد منـيـر  وجيه عزيز  زياد الرحباني 

لف وشوف

قانون الملكية الفكرية في مصر  دليل صندوق الدنيا  كشري أبو طارق  أخبار متقالتش  صحافة.كوم  الجارديان  في البلد  مصراوي  المصري اليوم  ميدل ايست أونلاين  العربية  الجزيرة  جريدة الحزب العربي الناصري  الأهرام ويكلي  الوفد  الأخبار  البي بي سي  الحياة  النهار  جهينة  لوموند ديبلوماتيك بالعربي  العربي  إذاعة الغد  Alt.Muslim 

كل سنه وانتم بخير ورمضان كريم