<![CDATA[<body><script type="text/javascript">
function setAttributeOnload(object, attribute, val) {
if(window.addEventListener) {
window.addEventListener('load',
function(){ object[attribute] = val; }, false);
} else {
window.attachEvent('onload', function(){ object[attribute] = val; });
}
}
</script>
<div id="navbar-iframe-container"></div>
<script type="text/javascript" src="https://apis.google.com/js/platform.js"></script>
<script type="text/javascript">
gapi.load("gapi.iframes:gapi.iframes.style.bubble", function() {
if (gapi.iframes && gapi.iframes.getContext) {
gapi.iframes.getContext().openChild({
url: 'https://www.blogger.com/navbar.g?targetBlogID\x3d30989150\x26blogName\x3d%D8%B9%D9%8A%D9%84+%D9%85%D8%B3%D8%A7%D9%81%D8%B1\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://3aylmsafer.blogspot.com/search\x26blogLocale\x3den_US\x26v\x3d2\x26homepageUrl\x3dhttp://3aylmsafer.blogspot.com/\x26vt\x3d-6933662161483279346',
where: document.getElementById("navbar-iframe-container"),
id: "navbar-iframe"
});
}
});
</script>]]>
قعدت سرحت شويه مع نفسى فى مصر وافتكرت اد ايه امهاتنا كانت بتخوفنا لما كنا نعمل حاجه مش عجباهم على سبيل المثال لو منمتش حجبلك ابو رجل مسلوخه او ابو زبعبع او العسكرى او امنا الغوله واكيد فى بيوت كتير لسه بتستخدم الحاجات ديه مع العيال علشان تخوفهم اد كدة احنا شعب متربى على الخوف فى حد بيخاف من حاجه يسميها امه. الغوله بقت امنا دحنا شعب بنقدس الحاجات اللى بيخاف منها وخصوصا العسكرى لومسكتش حجبلك العسكرى لو مكلتش حجبلك العسكرى مع ان المفروض العسكرى ميخوفش دا كل الناس بتشتغل وتنتج الا هو بياخد مرتبه من اموال الشعب يعنى هو على راى المثل الشرطه فى خدمه الشعب
حد والنبى يفسرلى مين هو ابو رجل مسلوخه واشمعنى مسلوخه ليه مش مقطوعه ومين ابو زبعبع ومين الى زبعبعه. دا بدل مانربى اولادنا على الشجاعه بنغرس فيهم الخوف والجبن من صغرهم . علشان كدة قررنا انا وام عمر عمرنا ما نخوف ابننا ابدا وخصوصا من العسكرى ولازم نديله ثقه فى نفسه وياريت كل الناس تعمل كدة علشان يطلع عندنا جيل شجاع واثق من نفسه بدل من اجيال الخوف اللى احنا منها. على فكرة الوقت اتاخر اوى وانا لازم انام احسن ابو رجل مسلوخه يطلعلى تصبحوا على خير.
8/28/2006 02:18:00 PM
معلش بعيدا عن المدونه بس مقدرتش امنع نفسى انى اقولك ان ضحكه الطفل دى نطت فى قلبى اوى ... جميله :))) top
8/28/2006 02:56:00 PM
لاء ونسيت امثالنا المأثورة (امشي سنة ولا تعدي قنا) (من خاف سلم) (الجري نص الجدعنة)
يعني من الاخر ممحدش يتحرك ولا يعمل حاجة ......... مفيش فايدة
بس خلي في امل طول ما في ناس بتحاول تغير الاساس الغلط يمكن في امل top
9/12/2006 11:04:00 PM
الله عليك يا ابو عمر هو ده الكلام top
9/20/2006 01:54:00 PM
أصلا الآجيال دي ما بتخفش من حاجه
جرب كده تخوفه حا يسخر من كلامك ويعلمك الأدب
قال ابو رجل مسلوخه وام زبعبع قال top
5/24/2007 11:50:00 AM
جميل جدا موضوعك وعجبنى... واللى خلانى اشوفه انى عملت بحث فى جوجل على ابو رجل مسلوخة...... انت او واحد طلعلى... عشان عندنا فى منتدى www.egypt.com
واحد كتب موضوع عن ابو رجل مسلوخة..... top
6/27/2007 06:04:00 PM
أبو رجل مسلوخة هادا رجل بيسكن بالغابة ورجله مسلوخة من التسلق عالشجر وبعدين مرة طلع عالقرية وهجم عالناس وأكل 23 شخص وهرب من القرية 5 أشخاص .. الأشخاص الي هربو من القرية هم يلي حكو القصة لباقي الناس....... top